İyunun 1-i Moldovada Azərbaycan və Ermənistan liderləri arasında görüş baş tutub. Avropa İttifaqı Şurasının prezidenti Şarl Mişel, Almaniya kansleri Olaf Şolts və Fransa prezidenti Emmanuel Makronun da qatıldığı beştərəfli qeyri-rəsmi görüş Avropa Siyasi Birliyinin sammiti çərçivəsində keçirilib.
Avropa ölkələri liderləri Avropa Siyasi Birliyinin ikinci sammitinə qatılmaq üçün Moldovada Kişinyov şəhəri yaxınlığındakı Mimi qəsrinə toplaşıblar. 45 ölkə liderinin, habelə Aİ rəsmilərinin qatıldığı sammitdə Ukrayna müharibəsi, təhlükəsizlik, enerji və miqrasiya məsələləri müzakirə edilib.
Beynəlxalq müşahidəçilər Türkiyədə prezident seçkilərinin ikinci raundunun da qeyri-bərabər rəqabət şəraitində keçdiyini bildirib. ATƏT və AŞPA-nın müşahidəçiləri seçkilərin təşkilatçılığı müsbət qiymətləndirsə də, ifadə azadlığına məhdudiyyətlər, qərəzli media mühitindən narahatlıq ifadə edib.
Avropada yaşayan azərbaycanlı siyasi mühacirlər mayın 28-i Almaniyanın Köln şəhərində toplanıb. Siyasi mühacirlər 28 may müstəqillik gününü qeyd etməklə yanaşı, Azərbaycandakı siyasi-ictimai prosesləri, demokratiya və insan hüquqlarına dair vəziyyəti müzakirə ediblər.
Azadlıq qəzetinin Fransada mühacirətdə yaşayan redaktoru, siyasi şərhçi Rahim Hacıyev Freedom House təşkilatının son hesabatında Azərbaycanı avtoritar rejim kimi təqdim etməsini şərh edib.
Avropa Şurasının Reykyavik sammitində üzv ölkələrin dövlət başçıları Ukraynaya Rusiyanın işğalçı müharibəsinə qarşı mübarizəsində sonadək dəstək olacaqlarını vurğulayıblar. Liderlər eləcə də demokratik geriləmənin qarşısını almaq, avtoritar meyllərə müqavimət göstərmək öhdəliyi götürüblər.
ATƏT-in və AŞPA-nın beynəlxalq müşahidəçiləri Türkiyədə keçirilən seçkilərdə seçicilərin fəallığını və müxtəlif siyasi alternativlər arasında seçim imkanının olmasını müsbət qiymətləndirsə də, seçki mühitinin demokratik standartlara cavab vermədiyini, qeyri-bərabər rəqabət şəraitini qeyd ediblər.
Daha çox yüklə
