Gülər Əhmədova həbs olunub

Bu gün axşam saatlarında Səbayel Rayon Məhkəməsi keçmiş deputat Gülər Əhmədova barədə 2 ay müddətinə həbs qətimkan tədbiri seçib. Bu barədə Turana məhkəmədəki mənbələrdən məlum olub.

G. Əhmədovanın qardaşı İlqar Mikayıloğlu məlumatı yerli mediaya nə təsdiq, nə də təkzib edib.

Fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevin 2012-ci ilin sentyabrında yaydığı videoda Gülər Əhmədova Elşad Abdullayevin deputat olması üçün bir milyon dollar aldığı bildirlir. Qalmaqallı videodan sonra Gülər Əhmədova deputat mandatından imtina edib, iqtidarda olan Yeni Azərbaycan Partiyasından xaric edilib.

Fakt üzrə Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) maddəsi ilə cinayət işi başlanıb.