Fevralın 13-də Azərbaycan Milli Məclisi ilə Rusiya Federal Məclisinin Dövlət Duması arasında əməkdaşlıq haqqında Anlaşma Memorandumu imzalanıb.
Bu barədə Azərbaycan Milli Məclisinin Mətbuat və ictimaiyyətlə əlaqələr şöbəsi məlumat yayıb.
Sənədi Rusiyada səfərdə olan Azərbaycan Milli Məclisinin sədri Sahibə Qafarova və Rusiya Federal Məclisi Dövlət Dumasının sədri Vyaçeslav Volodin imzalayıb.
Rusiya Dövlət Dumasının sədri Vyaçeslav Volodin bildirib ki, iki ölkə arasında münasibətlər mehriban qonşuluq və qarşılıqlı hörmət əsasında inkişaf edir. O parlamentlərarası münasibətlərin daha da genişləndirilməsinin əhəmiyyətini qeyd edib.
"Azərbaycan Milli Məclisi ilə Rusiya Federal Məclisi Dövlət Duması arasında bu gün imzalanan əməkdaşlıq haqqında Anlaşma Memorandumu münasibətlərimizin yeni mərhələyə qədəm qoymasına şərait yaradacaq" , o qeyd edib.
Azərbaycan parlamentinin spikeri Sahibə Qafarova bildirib ki, Azərbaycan ilə Rusiya arasında ikitərəfli və çoxtərəfli münasibətlərə müsbət təsir göstərən amillərdən biri parlamentlərarası əlaqələrdir.
Qafarov Azərbaycan və Ermənistan arasında münasibətlərdən danışarkən deyib ki, müharibədən sonra mina partlaması nəticəsində 280-dən çox Azərbaycan vətəndaşı ya həlak olub, ya da ağır yaralanıb.
"Azərbaycanın regionda sülhün və təhlükəsizliyin tərəfdarıdır. Azərbaycan Ermənistana beynəlxalq hüququn beş prinsipi əsasında sülh müqaviləsinin imzalanmasını təklif edib. Lakin Ermənistan sülh prosesinə mane olur", məlumatda qeyd edilir.
Milli Məclisin sədri, həmçinin İranda Azərbaycan səfirliyinə qarşı törədilən terror akti, diplomatik korpusun bir nəfər əməkdaşının həlak olması və iki nəfər əməkdaşının yaralanması haqqında da məlumat verib.
"Azərbaycan bu terror hücumunun ədalətli araşdırılmasını və günahkarlarının layiqli şəkildə cəzalandırılmasını tələb edir", o qeyd edib.