Azərbaycan Prezidentinin köməkçisi Hikmət Hacıyev və İsrail Milli Təhlükəsizlik Şurasının rəhbəri Tsaxi Haneqbi iki ölkə arasında əlaqələrin daha da genişləndirilməsi və regional məsələləri müzakirə edib.
Azərbaycanın İsraildəki səfirliyi sentyabrın 5-də X (keçmiş Twitter) hesabında bildirib ki, görüşdə ikitərəfli və regional məsələlər ətrafında fikir mübadiləsi aparılıb.
Tsaxi Haneqbi də özünün X (keçmiş Twitter) səhifəsində Azərbaycan Prezidentininn köməkçisi ilə görüşündən bəhs edib: “Mən bu axşam Qüdsdə Azərbaycan Prezidentinin köməkçisi ilə ölkələrimiz arasında əməkdaşlığın genişləndirilməsi çərçivəsində hərtərəfli siyasi danışıqlar apardım. Bir neçə ay əvvəl Azərbaycan ilk dəfə olaraq İsraildə səfirliyini açıb və o vaxtdan bəri ölkələrimiz arasında əlaqələr daha da möhkəmlənməkdə davam edir”, o qeyd edib.