Facebook fəalı 5 il 6 ay həbsə məhkum edilib

Mayın 27-də Bakı Ağır Cinayətlər Məhkəməsinin hokum ilə 31 yaşlı facebook fəalı Əbdül Əbilov 5 il 6 ay azadlıqdan məhrum edilib. O Cinayət Məcəlləsinin 234.4.3-cü (böyük ölçüdə narkotik vasitələrin qanunsuz saxlanılması və ya satışı) maddəsi ilə təqsirli bilinir.

Əbilov 22 noyabr 2013-cü ildə Yasamal rayonunda öz evinin yaxınlığında Daxili İçlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb. Saxlanılarkən guya onun cibindən içərisində 2,679 qr heroin olan sellofan paket tapılıb, kirayə yaşadığı evdə isə 4,677 qr heroin tapılıb.

Məhkəmədə gənc bildirib ki, siyasi motivlərlə və facebookda fəallığına görə həbs edilib.

Hüquq müdafiəçiləri Əbilovu siyasi məhbus hesab edirlər.