Azərbaycan insan hüquqları müdafiəçisi, “Müdafiə Xətti” təşkilatının həmtəsisçisi Rüfət Səfərov ABŞ Dövlət Departmentinin İnsan Hüquqları Müdafiəçisi Mükafatının qaliblərindən biri olub.
Səhnədə mükafatçılar üçün ayrılmış yerdə Səfərovun oturacağının boş olması diqqət mərkəzində olub. O, bir həftə öncə bu tədbirə səfər məqsədilə viza almaq üçün Bakıdakı ABŞ səfirliyində görüşdən çıxdıqdan qısa müddət sonra saxlanıb və barəsində həbs qətimkan tədbiri seçilib.
İnsan Hüquqları Müdafiəçiləri Müdafiəçisi mükafatı ABŞ Dövlət Departmenti tərəfindən 10 dekabr Beynəlxalq İnsan Hüquqları Günü münasibətilə keçirilir.
