Azərbaycan Xalq Cəbhəsi Partiyası (AXCP) həbsdə olan fəalı Elnur Həsənovun fiziki təzyiqə məruz qaldığını bildirib.
AXCP-nin məlumatına görə, 1 saylı Bakı İstintaq Təcridxanasında saxlanılan Həsənov yanvarın 25-də Bakının Xətai Rayon Polis İdarəsinə aparılıb.
"Orada 4 polis əməkdaşı onu səbəbsiz olaraq döyüb. Növbəti gün o, istintaq təcridxanasına qaytarılıb", AXCP-dən bildiriblər.
Vəkil Nemət Kərimli Amerikanın Səsinə deyib ki, müdafiə tərəfi prokurorluğa şikayət verəcək.
Daxili İşlər Nazirliyinin Mətbuat xidməti Amerikanın Səsinin sorğusuna hələ cavab verməyib.
Elnur Həsənov noyabrın 28-də qanunsuz narkotik dövriyyəsi (Cinayət Məcəlləsinin 234.4.3-cü madddəsi) ittihamı ilə həbs olunub. O, ittihamı təkzib edib. AXCP fəalı hesab edir ki, onun həbsinin əsl səbəbi yol polisinin hərəkətlərini tənqid etməsidir.
Forum