Ukrayna prezidenti Volodimir Zelenski və Avropa Komissiyasının prezidenti Ursula von der Leyen bazar günü telefon söhbəti zamanı Ukraynaya makro maliyyə yardımını müzakirə ediblər.
Avropa Komissiyasının prezidenti Twitter səhifəsində 2023-cü il üçün maliyyə dəstəyi təklifinin bu həftə müzakirə ediləcəyini yazıb və Avropa İttifaqının Ukraynaya dəstəyini davam etdirəcəyini vəd edib.
Good to stay in close touch with @ZelenskyyUaPositive developments: we will propose this week the financial support package for Ukraine in 2023.The EU will be at Ukraine’s side for as long as it takes.🇪🇺🇺🇦
— Ursula von der Leyen (@vonderleyen) November 6, 2022
Prezidenti Zelenski Twitter səhifəsində telefon söhbəti zamanı İrana qarşı atılacaq addımların müzakirə edildiyini bildirib.
“Qlobal ərzaq təhlükəsizliyini təmin etmək üçün taxıl təşəbbüsünün davam etdirilməsinin vacibliyini müzakirə etdik. Biz sanksiyaların gücləndirilməsini və təcavüzü dəstəkləyən İranın hərəkətlərinə qarşılıq verilməsini qeyd etdik” - deyə, Zelenski bildirib.
Discussed macro-fin aid to 🇺🇦 for the current year & 2023 with President of the European Commission @vonderleyen. Noted the importance of continuing the grain initiative for world food security. Discussed increasing sanctions & opposing actions of Iran, which supports aggression
— Володимир Зеленський (@ZelenskyyUa) November 6, 2022
Bu arada, Kyiv meri Vitali Kliçko Ukrayna paytaxtının sakinlərini bu qış Rusiyanın ölkənin enerji infrastrukturuna zərbələr endirməkdə davam etdiyi halda, elektrik enerjisi, su və ya istilik çatışmazlığı ilə nəticələnə biləcək çətinliklərə hazır olmağa çağırıb.
“Biz bunun qarşısını almaq üçün hər şeyi edirik. Amma gəlin açıq danışaq, düşmənlərimiz şəhərin istiliksiz, işıqsız, susuz qalması və ümumiyyətlə, hamımızın ölməsi üçün hər şeyi edir. Həm ölkənin gələcəyi, həm də hər birimizin gələcəyi müxtəlif vəziyyətlərə nə qədər hazır olmağımızdan asılıdır” - deyə, Kliçko Ukrayna mediasına bildirib.
Son bir ay ərzində Rusiyanın Ukraynanın enerji infrastrukturuna zərbələr endirməsi bütün ölkə boyu elektrik enerjisi çatışmazlığına səbəb olub. Kyivdə bazar günü şəhərin bəzi yerlərində və ətraf rayonlarda bir saat ərzində işıqların kəsilməsi planlaşdırılıb.
Ukrayna rəsmilərinin bildirdiyinə görə, ölkənin enerji infrastrukturunun təxminən 40 faizi Rusiyanın zərbələri nəticəsində “ciddi zədələnməsi” ölkənin bir çox regionlarında elektrik enerjisinin kəsilməsinə səbəb olub.