İran prezidenti Mahmud Əhmədinejad deyib ki, casusluq ittihamı ilə həbsxanaya salınan iki amerikalı yaxın günlərdə azad ediləcək. ABŞ telekanalına müsahibəsi zamanı cənab Əhmədinejad Şon Bauer və Coş Fattalın humanitar məramlar əsasında azad ediləcəklərini deyib.
Bu gün İranda NBC telekanalına müsahibə verən prezident Əhmədinejad müxbir Ann Körriyə bu barədə açıqlama verib. Amerikalılar - Bauer, Fattal və sonradan azad edilən Sara Şourd 2009-cu ildə İran-İraq sərhədində saxlanmışdılar.
