İranın dövlət televiziyası xəbər verir ki, ölkədə saxlanılan iki amerikalı casusluq və ölkəyə qeyri qanuni daxil olmaq ittihamları ilə 8 il azadlıqdan məhrum edilib.
Dövlət televizyasında verilən məlumatda deyilir ki, Şeyn Bauer və Coş Fattal hərəyə beş il həbs cəzası alıblar. Onlara beş il casusluğa görə, üç il qeyri-qanuni girişə görə verilib.
Bu ayın əvvəlində İran xarici işlər naziri Əli Əkbər Salehi ümid etdiyini bildirmişdi ki, ədliyyə prosesi Bauer və Fattalın azadlığa buraxılmasına gətirib çıxaracaq. ABŞ hökuməti dəfələrlə amerikalı səyyahların azadlığa buraxılmasına çağırıb.
