Oktyabrın 10-da Kanadada yaşayan bir qrup azərbaycanlı Toronto şəhərində Mel Lastman meydanına toplaşaraq İsraili dəstəkləyən aksiya keçirib.
Aksiyada Azərbaycan və İsrail bayraqları qaldırılıb, İsraili dəstəkləyən şüarlar səsləndirilib.
Bu barədə Kanadalı Azərbaycanlılar Şəbəkəsinin icraçı direktoru Nika Cəbiyeva Facebook hesabında məlumat yayıb.
Bakıda da çoxsaylı sakinlər İsrailin Azərbaycandakı səfriliyini ziyarət edərək başsağlığı verir. Sakinlər İsrail səfirliyinin binasının önünə gül çələngləri qoyur.
Oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib.
Reuters agentliyinin məlumatına görə, bazar ertəsi günorta saatlarında İsraildə ölənlərin sayı 700, Qəzzada isə təxminən 500 nəfər olub. Hər iki tərəfdən minlərlə insan yaralanıb.
Forum