Düz bir il əvvəl, Lənkəran şəhərinin mərkəzi küçələrinin birində, dizaynı, menyusu və fəaliyyəti ilə fərqlənən məkanın açılışı oldu. Yerli icmanı öz toruna salan məkanın təsisçisi İqrar Qurban, bu il ərzində sosial sahibkarlıq nümunəsi olaraq, təməl məqsədlərinə çata bildiklərini qeyd edir. O deyir ki, fəaliyyətə başlayandan, "TOR" və "O biri otağ"ın yerli insanlar tərəfindən özlərinki kimi mənimsəyib, özlərini rahat ifadə edə biləcəkləri məkan kimi görməklərini hədəfə almışdı. Bir illik təcrübə ilə isə bu il üçün daha böyük və fərqli hədəfləri var.
