Fransanın Konstitusiya Şurası “erməni soyqırımı” nı inkar edənlərin cinayətə cəlb edilməsinə dair qanunu ləğv edib.
Türkiyə 130 fransız qanunvericisinin Konstitusiya Məhkəməsinə müraciətini alğışlayıb. Türkiyənin xarici işlər naziri Əhmət Davutoğlu Fransa ilə iqtisadi, siyasi və hərbi əlaqələrin bərpasının nəzərdən keçiriləcəyini deyib.
Fransa Senatı tərəfindən Türkiyənin 1915-ci ildə ermənilərin kütləvi qırğına məruz qalmasını inkar edənlərin məsuliyyətə cəlb edilməsinə dair qərar yanvar ayının 23-də qəbul edilmişdi.
Sənəd 127 lehinə, 86 əleyhinə səslə təsdiq edilmişdi. Fransa o illərin hadisəsini soyqırım kimi 2001-ci ildə qəbul etmişdi.