Avropa komissarı İsmayıllıya gedib

Komissar bu ilin yanvarında rayonda baş vermiş qarşıdurma ilə maraqlanıb
Avropa Şurasının insan hüquqları üzrə komissarı Nils Mujnieks İsmayıllı rayonuna səfər edib.

Səfər zamanı rayon İcra Hakimiyyətinin başçıs, “Azadlıq” radiosu və “Azadlıq” qəzetinin bölgə müxbiri Elçin İsmayıllı, vəkillər İslam İsmayılov, Nəvai Abbasovla görüşüb.

E. İsmayıllı Amerikanın Səsinə bildirib ki, komissar bu ilin yanvarında İsmayıllıda baş vermiş qarşıdurma ilə bağlı fikir mübadiləsi aparıb, hadisənin başvermə səbəbləri, istintaqın gedişi, bölgədə durum, ifadə, toplaşma azadlığı, medianın vəziyyəti ilə maraqlanıb.
Görüşlər davam edir. N.Mujnieks axşam Bakıya qayıtmalıdır.