Yunanıstan və İtaliyada böhranların ağırlığından əziyyət çəkən Avrozona iqtisadiyyatı iyuldan sentyabradək cüzi artım əldə edib.
17 milləti özündə birləşdirən Avropa İttifaqı iqtisadiyyatın 0.2 faiz artdığını xəbər verir. Bu artımın böyük hissəsi ittifaqın iki ən qüdrətli ölkəsi olan Almaniya və Fransanın payına düşür. Yunanınstan iqtisadiyyatı ötən rüb ərzində 5.2 faiz kiçilib. İqtisadçılar İtaliyanın da tənəzzülə düşdüyünü güman edirlər.
İnvestorların narahatlıqları fonunda London, Paris və Frankfurt şəhərlərində səhm birjaları indekslərini itiriblər.
