Noyabrın 12-də Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Birləşmiş Ştatlar Mərkəzinin rəsmi açılışı olub.
Noyabrın 12-də Birləşmiş Ştatlar Mərkəzində bir sıra mövzular üzrə müzakirələr də keçirlib.
ABŞ Dövlət Departamenti xalis sıfır, iqlimə davamlı gələcəyə doğru yarışa rəhbərlik edən şəhərlər, əyalətlər və bölgələr mövzusunda müzakirələr təşkil edib. Müzakirələrdə bildirilib ki, şəhər, əyalət və regional səviyyədə submilli iqlim fəaliyyəti 1,5-ə uyğunlaşdırılmış, iqlimə davamlı gələcəyi əldə etmək üçün çox vacibdir.
“Bu tədbir ABŞ-da və beynəlxalq miqyasda aparıcı mer və qubernatorlara diqqət yetirəcək və onların qlobal iqlim ambisiyalarını yüksəltmək üçün öz milli hökumətləri və bir sıra qeyri-dövlət aktorları ilə necə işlədiyini göstərəcək”, çıxışlarda qeyd edilib.
Bu gün ABŞ Milli Aeronavtika və Kosmik Tədqiqatlar İdarəsi elmin vəziyyəti ilə bağlı müzakirələr təşkil edib. Müzakirələrdə, NASA-nın baş elmi işçisi doktor Katherine Calvin çıxış edib.
ABŞ Dövlət Departamenti, İqlim və Təmiz Hava Koalisiyası – UNEP Təşəbbüsü və Beynəlxalq Azot Təşəbbüsü ilə birgə təşkil edilmiş forumda N2O (Azot oksidi) emissiyaların azaldılması: Elmdən Fəaliyyətə mövzusunda iqlim məsləhətçiləri çıxış edib.
Müzakirələrdə deyilib ki, azot oksidi (N2O) iqlim dəyişikliyinin üçüncü ən böyük təhrikçisi və atmosferdəki ozonun tükənməsinin aparıcı mənbəyidir, lakin iqlim siyasəti müzakirələrində buna məhəl qoyulmur.
“31 oktyabr 2024-cü ildə başlanmış İqlim və Təmiz Hava Koalisiyasının Qlobal Azot Oksidi Qiymətləndirilməsi Paris Sazişinin hədəflərinə nail olmaq üçün N2O-da iqlimlə bağlı fəaliyyətin artırılması üçün elmi əsas yaradır. Bu tədbir sağlamlıq və davamlı inkişaf üzrə yumşaldılma imkanlarına və birgə faydalarına baxmaq üçün N2O Qiymətləndirmənin nəticələrini təqdim edir. Tədbirdə həmçinin sənaye emissiyalarını tamamilə azaltmaqla yanaşı, ərzaq və kənd təsərrüfatı sektorlarında N2O emissiyasının əsas amillərini əhəmiyyətli dərəcədə azaldan bir sıra həll yolları vurğulanıb.
Günün sonunda Gigavattdan Teravata qədər: Geotermal Enerjinin Yeni Vədi ətrafında müzakirələr aparılıb.
ABŞ Dövlət Departamenti və Ağ Evin Elm və Texnologiya Siyasəti İdarəsi tərəfindən təşkil edilən tədbirdə vurğulanıb ki, qazma texnologiyasındakı təkmilləşdirmələr nəhəng geotermal ehtiyatları açıb. Ağ Evin Elm və Texnologiya Siyasəti İdarəsinin ekspertləri hökumətlərin kommersiya həyatına transformativ innovasiyaların gətirilməsində rolunu müzakirə edib və bu yeni kəşf edilmiş potensialı və onun enerji keçidinə baxışını necə dəyişdirə biləcəyini müzakirə edib.