Oktyabrın 23-də Türkiyənin Van şəhərində baş vermiş güclü zəlzələ İranın Qərbi Azərbaycan əyalətində də dağıntılara səbəb olub.
“Media forum” saytının məlumatına görə, İran parlamentinin Xoy və Çaldıran şəhərlərindən seçilmiş deputatı Müvəyyid Hüseyni oktyabrın 24-də jurnalistlərə açıqlamasında əyalətin Türkiyə sərhədinə yaxın bölgələrində qeydə alınmış 6,5 bal gücündə zəlzələ haqda belə deyib: “100-ə yaxın kənd ciddi ziyan görüb. Ancaq ölənlərin və yaralıların sayı o qədər də çox deyil”, - deyə deputat qeyd edib.
