Suriyada Bəşar əl-Əsədə qarşı etiraz dalğası vüsət aldığı bir məqamda, xarici işlər naziri işarə edib ki, ilin sonunadək ümummilli seçkilər keçiriləcək.
Valid Müəllim deyib ki, “azad və ədalətli” seçkilər Suriya əhalisini təmsil edən parlamentin təşkili ilə nəticələnəcək. Nazirin son bəyanatı prezident Əsədin müxalifət partiyalarının mövcudluğuna icazə verməsindən iki gün sonraya təsadüf edir.
İnsan haqları qrupları xəbər verirlər ki, Suriya hərbi qüvvələri Həma şəhərinə nəzarəti gücləndirməkdədirlər.
Fransız Xəbər Agentliyi bildirir ki, hökumətə məxsus tanklar Deir əl Zur qəsəbəsinə daxil olublar.
