Barak Obama Suriyanın dövlət başçısı Bəşar Əl-Əsədin istefasına çağırıb

ABŞ prezidenti Barak Obama Suriyanın dövlət başçısı Bəşar Əl-Əsədin istefasına çağırıb. Yazılı bəyanatında prezident Əsəd hökumətinin dinc suriyalılara qarşı hücumlarını “rüsvayçılıq” adlandırıb. Obama bildirib ki, Əsədin getmək vaxtıdır. Bundan əvvəl ABŞ dövlət katibi Hillari Klinton və digər rəsmilər Əsədin bir rəhbər kimi legitimliyi və etibarını itirdiyini desələr də, istefa çağırışları etməmişdi.