Kinematoqrafçılar İttifaqı Hökumət Evindən çıxarılıb

Yanvarın 23-də Rüstəm İbrahimbəyovun sədrlik etdiyi Azərbaycan Kinematoqrafçılar İttifaqı Hökumət Evindəki ofisindən çıxarılıb.

Kinematoqrafçılar İttifaqının rəsmisi bildirib ki, günorta saatlarında Bakı Şəhər İcra Hakimiyyətinin nümayəndələri ofisi tərk etməyi tələb edib.

İttifaqın katibi İsa Cabbarov deyib ki, qurumun səndələrini və ofis əşyalarını Hökumət Evinin zirzəmisindəki anbara daşıyıblar.

Onun sözlərinə görə, meriya nümayəndəsi adını söyləməyib və hər-hansı sənəd göstərməyib.

Ziyalılar Forumunun təsisçilərindən olan, tanınmış dramaturq, Oskar mükafatı laureatı Rüstəm İbrahimbəyov Azərbaycan iqtidarını tənqid edir və islahatlara çağırıb. Bundan sonra hökumətin himayə etdiyi alternativ Kinematoqrafçılar İttifaqı yaradılıb və hakimiyyət rəsmiləri, iqtidaryönümlü media Rüstəmbəyova qarşı kəskin tənqidi münasibət nümayiş etdirir.