Hərbi hökumətin səlahiyyətlərini artırmasına etiraz edən minlərlə misirli Qahirənin Təhrir meydanında yürüş keçirib. Yürüş Ölkədə ən təşkilatlandırılmış siyasi partiya sayılan Müsəlman Qardaşlığının çağırışı ilə təşkil edilib. Etirazçılar və siyasi partiyalar hərbi hökumətdən səlahiyyətlərin mülki hökumətə təhvil verilməsinin vaxtının müəyyən edilməsini tələb edib.
Misirdə cari ayın sonunda parlament seçkiləri keçiriləcək. Bu, uzun illər hakimiyyətdə olan Misir prezidenti Hüsnü Mübarəkin devrilməsindən sonra ilk seçkilər olacaq.
