Norveçin baş naziri Cens Stoltenberq keçən ay 77 adamın ölümü ilə nəticələnən terror hücumlarının araşdırılması məqsədi ilə xüsusi komissiya təşkil edildiyini bəyan edib. Baş nazir deyib ki, komissiya hadisə ilə bağlı bütün məlumatları əldə edəcək. Komissiya 2012-ci ilin avqust ayında hesabatla çıxış etməlidir. Anders Behring Breivik iyul ayının 22-də Osloda 8 adamın ölümü ilə nəticələnən bomba və 69 adamın ölümünə səbəb olan gənclik düşərgəsindəki hücumlara görə ittiham edilib. Norveç polisi hücumlara tez cavab vermədiyini görə tənqidlər altındadır.
