AŞPA-nın siyasi məhbuslar üzrə məruzəçisi Kristofer Ştrasser Azərbaycanda son əfv çərçivəsində üç siyasi məhbusun azad edilməsini alqışlayıb.
”Mən siyasi məhbusların siyahısında olan Mehman Məmmədov, Cabbar Savalan və Nizami Şahmurabovun azad edilməsini alqışlayıram. Bu, düzgün istiqamətdə atılmış addımdır”, - Ştrasser bildirib. Xatırladaq ki, dövlət başçısının 26 dekabr tarixli fərmanı ilə 92 nəfər əfv edilib. Onların arasında adı çəkilən üç nəfər də var.
