Milli parklara səfərimin dördüncü dayanacağı Kaliforniyanın cənub-şərqində, eyni adlı şəhərin yaxınlığında yerləşən Joshua Tree Milli Parkı oldu. Yalnız bir yoldan ibarət, yolboyu müxtəlif dayancaqları olan, fərqli qayalara sahib və ən əsası qəribə budaqlı Joshua ağaclarının mövcud olduğu bu park il ərzində 3 milyondan çox ziyarətçi qəbul edir. Parkın Kaliforniyanın ən böyük şəhəri Los Ancelesdən cəmi iki saatlıq uzaqlıqda olması da ziyarətçi sayının çoxluğuna səbəb verən əsas amillərdəndir. Park həmçinin həm həvəskar, həm də professional şəkildə qayayadırmanma idman növüylə məşğul olan insanların ən çox gəldiyi yerlərdəndir.