İran: 8 nəfərin prezidentliyə namizədliyi qeydə alınıb

İranda prezidentliyə namizədlərin səlahiyyətini araşdıran Konstitusiyaya Nəzarət Şurası hələ rəsmi açıqlama verməsə də, 8 nəfərin namizədliyinin qeydə alındığı haqda məlumat yayılıb.

İranın “Mehrnews” agentliyinin mayın 21-də yaydığı məlumata görə, Sistemin Məsləhətini Müəyyənləşdirən Qurumun rəisi ayətullah Haşimi Rəfsəncani və İran Prezidenti Administrasiyasının rəhbəri İsfəndiyar Rəhim Məşayinin prezidentliyə namizədliyi rədd olunub, 8 nəfərin namizədliyi isə təsdiq edilib.

Prezidentliyə namizədliyi qeydə alınanlar bunlardır:

Qulaməli Həddad Adil
Səid Cəlili
Möhsün Rzayi
Həsən Ruhani
Məhəmmədrza Arif
Məhəmmədbağır Qalibaf
Məhəmməd Qərəzi
Əli Əkbər Vilayəti.