Rusiya prezidenti Dmitri Medvedevlə görüş keçirmək üçün Rusiyaya yola düşən Şimali Koreya lideri Kim Conq İlin səfərinin planı tam gizli saxlanılır.
Cənab Kim Rusiyanın Bureya şəhərində bayraqlarla qarşılanıb.
Cənubi Koreya Yonhap xəbər agentlyi adını açıqlamadığı kəşfiyyat mənbəyinə istinadən bildirir ki, çərşənbə günü cənab Medvedevlə görüşənədək Şimali Koreya lideri Siberiyanın Skovorodino şəhərinə gedəcək.
Ancaq Çinin Şinxua xəbər agentliyi cənab Kimin artıq Ulan-Ude şəhərinə çatdığını bildirib. Liderlərin burada enerji əməkdaşlığı və başqa məsələləri müzakirə edəcəyi gözlənilir.
