ABŞ prezidenti Barak Obama sentyabrın 8-də Konqres qarşısında çıxış etməlidir. Prezident yeni iş yerlərinin açılması və iqtisadi artım mısəslərinə toxunacaq. Barak Obamanın çıxışı dünən Nümayəndələr Palatasının spikeri, respublikaçı Con Beynerin çıxışı bir gün geriyə salmasından sonra 8-nə təyin edilib. Prezident Obama Senat və Nümayəndələr Palatasının birgə sessiyasının sentyabrın 7-də keçirilməsini istəyirdi. Beyner bildirib ki, Konqresin birgə sessiyasını yay tətilindən dərhal sonra çağırmaq mümkün olmaya bilər. Barak Obama bir neçə saatdan sonra spikerin tələbini qəbul etdiyini elan edib.
ABŞ dövlət başçısının çıxışı prezidentliyə respublikaçı namizədlərin televiziya debatları və futbol mövsümünün ilk oyunu gününə təsadüf edir.
Barak Obama sentyabrın 8-də Konqres qarşısında çıxış etməlidir
- Amerikanın səsi
