Azərbaycan və İran prezidenti görüşüb

Yanvarın 23-də Davosda prezident İlham Əliyev və İran rezidenti Həsən Ruhani görüşüb.

Azərbaycan prezidentinin rəsmi saytının məlumatına görə görüşdə Azərbaycan ilə İran arasında qonşuluq və dostluq münasibətlərinin daha da inkişaf etdirilməsi üçün geniş imkanların olduğu bildirilib. İki ölkə arasında siyasi, iqtisadi, energetika, mədəniyyət və digər sahələrdə əməkdaşlığın bundan sonra da genişlənəcəyinə əminlik ifadə olunub.

Prezidentlər ikitərəfli münasibətlərin və regional əməkdaşlığın daha da gücləndirilməsi üçün hər iki tərəfin səylərinin artırılacağını vurğulayıb. Münasibətlərimizin gələcəkdə daha da genişləndirilməsi üçün konkret istiqamətlərin müəyyənləşdirilməsi ətrafında fikir mübadiləsi aparılıb.