Azərbaycanda bir sıra məhsullar və xidmətlərin qiymətlərinin artırılması ictimaiyyət arasında müzakirələrə yol açıb. İyunun 30-da əhalinin daha çox istifadə etdiyi Aİ-92 markalı avtomobil benzini, dizel yanacağı, həmçinin ictimai nəqliyyatda gediş haqqı qiymətləri artırılıb. Bir sıra ekspertlərin fikrincə, son qiymət artımı digər sahələrdə də qiymətlərin artmasına gətirib çıxara bilər. İqtisadçı Rəşad Həsənov Amerikanın Səsinə müsahibədə yanacaq qiymətlərində son artımın səbəbləri və bunun digər sahələrə mümkün təsirləri haqda danışıb.