Ötən həftə hüquqşünaslar, qadın hüquqları müdafiəçiləri və ictimai fəalların iştirakı ilə keçirilən tədbirdə, ölkədə məişət zorakılığı ilə bağlı durum, yaranma səbəbləri, hansı formalarda təzahür etdiyi və eyni zamanda Milli Məclisin və onun müvafiq qurumlarının bu məsələnin həlli ilə bağlı yanaşmaları müzakirə edilib. Təşkilatçılar Milli Məclisin Ailə, qadın və uşaq komitəsinə müvafiq komitənin deputatlarının müzakirədə iştirakı üçün də dəvət göndərib. Lakin bu dəvət cavabsız qalıb.