Yutah ştatının paytaxtı Solt Leyk Siti dini inanclarına görə təqid olunmaqdan xilas olmaq üçün yeni torpaqlar axtarışında çıxan mormonlar tərəfindən 1848-ci ildə salınıb. Şəhər Böyük Duz Gölündən qısa məsafədə olduğuna görə əvvəlcə "Böyük Duz Gölü Şəhəri” adlandırıldı. Lakin, 1868-ci ildə “Böyük" sözü rəsmi olaraq şəhərin adından çıxarılıb. Hazırda ştatın ən böyük şəhəri olan Solt Leyk Siti həm buradakı tarixi abidələrinə, həm təbii gözəlliyinə, həm də bir-birindən maraqlı attraksiyonlaına görə hər il minlərlə insanın buraya səfər etməsinə səbəb olur.