Vüsalə Mikayıl

Sorğu: Əbülfəz Elçibəyi necə xatırlayırsınız?

24 iyun Azərbaycanın sabiq prezidenti Əbülfəz Elçibəyin doğum günüdür. Bakı sakinlərindən onu necə xatırladıqlarını soruşduq.

Famil Xəlilovun yoldaşı: Onun həbsi sosial şəbəkələrdə tənqidi paylaşımlarına görədir

Əlilliyi olan Famil Xəlilov ötən il İsveçdən Azərbaycana ailəsi ilə birlikdə deportasiya olunub. Bu ilin mayın 4-də isə polis Famil Xəlilovu həbs edib. Ona qarşı külli miqdarda narkotik vasitənin qanunsuz dövriyyəsi ittiham irəli sürülüb.

"Hökümət vergi güzəştləri tətbiq etsə, kitabçılıq inkişaf edər"

Qaxda yaşayan 62 yaşlı Seyran Rüstəmov artıq 5 ildir ki, evinin bir hissəsini kitabxanaya çevirib. Deyir, Qaxda kitab dükanlarının azlığı və insanlarda kitaba az da olsa marağı artırmaq üçün bu addımı atıb. Satışı isə sosial şəbəkələr üzərindən müxtəlif kampaniyalar apararaq həyata keçirir.

YAP müşahidəçisi seçkinin şəffaf keçdiyini deyir

15 saylı Yasamal birinci seçki dairəsinin 21 saylı məntəqəsində prezidentliyə namizədlərin seçki müşahidəçiləri seçki prosesi haqda danışır.

Ağdamlı köçkün: Özümə geyim almağım yadıma gəlmir

Sabunçunun Talışlar qəsəbəsində yaşayan Pərvanə Nəcəfova 14 yaşında evləndirilib. Deyir nə uşaqlığını yaşaya bilib, nə də özünü qadın kimi hiss edə bilib. Əri öldükdən sonra beş uşağa tək baxmağa məcbur qalıb. Deyir ki, gündəlik çörək pulunu iki oğluyla zibilliklərdən dəmir toplayaraq çıxarır.

“Kim haqqını tələb edir, şərləyib tuturlar”

Mircəlal Hüseynovun oğlu bir il öncə narkotik ittihamı ilə həbs olunub. O iddia edir ki, oğlunu əsassız həbsxanaya salıblar. Mircəlal Hüseynovun sözlərinə görə, oğlunun həbs olunmasının bir səbəbi var. O da Müsəlman Birliyi Hərəkatının üzvü olmasıdır.

"Həmişə ümid edirdim ki, mənim də iş yerim olacaq"

Cəlilabad sakini Əfsanə Tacirli öz biznesini açana qədər uzun illər sevmədiyi işdə çalışıb. Dərzilik sexini açana qədər isə bir sıra problemlərlə üzləşib. Həm iqtisadi reallıqlar, həm də ailə ona sahibkar olmaq yolunda maneə olub.

Cəlilabadda yerləşən pravoslav kilsəsi

Cəlilabadın Göytəpə şəhərində yerləşən bu kilsə Azərbaycana köçürülən rusların dini mərkəzi olub. İkinci dünya müharibəsi dövründə kilsə hərbçilərin silah-sursat anbarına çevrilib. Burada hətta 1990-cı il Bakı hadisələrindən bəhs edən film də çəkilib.

"İstəmirəm ki, övladlarım bu kənddə böyüsün"

Bu daşlı-kəsəkli yollar Siyəzənin Nardaran kəndinə aparır. Cəmi 10-12 evdən ibarət kəndin nə yolu, nə qazı, nə də məktəbi var. Bu azmış kimi kəndlilər içməyə su da tapmırlar. Sakinlər deyir ki, gözdən uzaqda qalan bu kənddə yaşamağa onları işsizlik məcbur edir.

"Yoldaşımdan qalan üzüyü lombarda qoymuşam"

Gəncliyində xalça toxumaqla dolanan Nəcabət Nəciyeva indi işsizlikdən əziyyət çəkir. 72 yaşlı qadın deyir ki, dövlətdən aldığı pensiya ona kifayət etmir.

Müharibə veteranı: "Biz də çörək yeməliyik, bizi də sayın"

Birinci Qarabağ müharibəsi veteranı 47 yaşlı Qorxmaz Qurbanovun bir ildən artıqdır ki, 110 manat təqaüdü kəsilib. Neftçala sakini dəfələrlə müvafiq qurumlara müraciət etsə də, təqaüdünün bərpa olunmadığını deyir. O, uçuq-sökük evində ailəsini güclə dolandırdığını deyir.

Neftçalanın məşhur qəsəbəsi - "Buranın çörəyini yığıb-yığışdırmaq olmurdu"

Bura vaxtilə balıq kürüsü ilə məşhur Neftçalanın Bankə qəsəbəsidir. Bankə XIX əsrin sonlarında Hacı Zeynalabdin Tağıyevin qəsəbədəki balıq vətəgələrini icarəyə götürməsi ilə daha da inkişaf edib. İndi qəsəbədəki kombinatdan və konserv zavodlarından geriyə qalan isə uçulub tökülmüş xarabalıqlardır.

Neftçala sakinləri natəmiz sudan gileylənir: Üstü açıq kanaldan bizə su verilir

Neftçalanın Həsənabad qəsəbəsi sakinlərinin istifadə etməli olduğu su üstü açıq, yosun bağlamış, ətrafında isə heyvanların dolaşdığı kanaldan gəlir. Onlar bu suyun sağlamlıqlarına zərər verəcəyindən narahatdırlar.

Şabran sakini: Mən kimsəsizəm deyə acından ölməliyəm?

Şabran rayon Padar kənd sakini 52 yaşlı Fəzilə Qənbərova iki ildir ki yataq xəstəsidir. İllərdir ki, uçuq-sökük daxmasında tək-tənha yaşayır. Dediyinə görə, yeganə gəliri pensiyası kəsildikdən sonra indi qohum-qonşunun əlinə baxmağa məcbur olub.

Gənc rəssam: Əyalətlərdə sənət adamları itib batır

Ülviyyə Vahid Biləsuvar rayonunda yaşayır. O, uşaqlıqdan rəsmə sevgisi olduğunu deyir. Amma ailə həyatı qurduqdan sonra sənəti ikinci plana keçirməyə məcbur olub. Uzun fasilədən sonra yenidən rəsm çəkməyə başlasa da yaşadığı rayonda rəsm, özünüinkişaf kurslarının olmaması onun işini çətinləşdirir.

Kür çayının səviyyəsi yerli sakinlər arasında təlaş doğurur

Bura Sabirabad rayonu Kovlar kəndidir. Kənd sakini Qulu Məmmədli burada doğulub. Deyir ki, Kürü heç vaxt bu səviyyədə görməyib.Onun sözlərinə görə, yaxınlıqdakı Qarasu kəndində çaydan boru kəməri çəkildikdən sonra Kürün səviyyəsi üç metrə qədər enib.

Sabirabadın Axısxa kəndi sakinləri məmurlardan narazıdırlar: “Hamısı öz cibini güdür”

Sabirabad rayonu Axısxa kəndinin sakinləri deyir ki, kəndin əsas problemi məktəbin qəzalı vəziyyətdə olmasıdır. Qırxa yaxın yaşı olan məktəbdə sinif otaqlarını qızdırılması üçün hələ də odun sobalarından istifadə edilir.

Bakının “Yəhudi məhəlləsi” sakinləri evlərinin şəraiti ilə bağlı şikayətlərinə reaksiya verilmədiyindən gileylənirlər

“Yəhudi məhəlləsi” sakinləri şikayətlərinə reaksiya verilmədiyindən gileylənirlər

İlahiyyə Mahmudova Sabunçu ərazisində bir vaxtlar yəhudilərin yaşadğı məhəllədə yaşayır. Yüz ildən artıq yaşı olan evindən hər gün bir parça daş, bir parça suvaq töküldüyündən danışır. Evinin otaqları qəzalı vəziyətdə olduğundan dörd nəfərlik ailəsi bir otağa sığınıb.