Xaçmazda addımbaşı gilas bağları gözə dəyir. Qadaşoba kənd sakini Elmar da bağçıdır. O, bağçılığın çətinliklərindən danışır. Bakı bazarı satıcıları isə gilasın bahalığından şikayətlənirlər.
Xaçmazın Hacıəhmədoba, Əhmədoba, Qaracəli kimi kəndləri qazla təmin edilməyib. Bu kəndlərin camaatı odunu pulla alır. Bu da sərf etməyəndə öz bağlarının ağaclarını qırıb odun kimi istifadə edirlər.
2016-cı ildən bəri Bakı dünyanın ən nüfuzlu yarışlarından olan Formula 1-in məkanlarından biridir. Yarışın həm Azərbaycanda, həm də dünyada çox sayda izləyicisi olmasına baxmayaraq, Bakı sakinlərinin Formula 1-in şəhər mərkəzində keçirilməsi ilə bağlı fikirləri birmənalı deyil. Bu barədə sorğumuzda.
Rüstəm İmranov Xızı rayonunda yaşayır. O, illərdir arıçılıqla məşğuldur. Həmsöhbətimiz Xızıda arıların müalicəvi otlardan şirə gətirməsindən danışır. Rüstəm kişi həmçinin alıcıları aldadan arıçılardan da söz açır.
Şamaxı sakini Əlikram Rəhimov uzun illərdir dəmirçilik sənəti ilə məşğuldur. O, dəmirdən hazırladığı müxtəlif alətləri qapısında açdığı bazarında satır. Dəmirçi bizimlə söhbətdə bu sənətə tələbatın azalması və işin çətinliyi haqda danışıb.
Salyan sakini Zəminə Heydərova xərçəng xəstəsidir. Dediyinə görə, səkkiz ildir pensiyasını ala bilmir. Heydərova 20 ildir Salyan rayonunda yerləşən yataqxanalardan birində yaşayır. Yataqxananın şəraitsizliyi isə onun xəstəliyini günbəgün ağırlaşdırır.
İstehlakçı zənbilinin zəifliyi ələlxüsus regionlarda hiss edilməkdədir. Salyan bazarında Amerikanın Səsinə danışan insanlar mövcud durumdan şikayət edirlər. Satıcılar maya xərclərini çıxara bilməməklərindən, alıcılar isə büdcə qıtlığından şikayət edirlər.
