Washington şəhərində səfərdə olan tarixçi Cəmil Həsənli Amerikanın Səsinin qonağı olub. Xidmətimizlə müsahibədə Cəmil bəy səfərinin məqsədləri və yaxın gələcəkdə Amerikada çap olunacaq növbəti kitabı haqda danışıb. Cəmil Həsənli ABŞ-a Sovet İttifaqının dağılmasının 20-ci ildönümündə Soyuq Müharibəyə dair sənədlər toplumu hazırlayan Woodrow Wilson mərkəzinin dəvəti ilə gəlib. İyun ayında Cəmil bəyin Birləşmiş Ştatlarda ikinci kitabı SSRİ-Türkiyə: Neytrallıqdan Soyuq Müharibəyə, 1939-1953 çapdan çıxacaq. 2006-cı ildə onun ingiliscə Soyuq Müharibənin Astanasında: İran Azərbaycanı üzərində Sovet-Amerika böhranı, 1941-46 kitabı nəşr edilmişdi.
