Taleh Bağırov 2 il 4 ay həbsdə qalacaq
Avqustun 13-də Sabunçu rayon Məhkəməsində hakim Süleyman Ağayevin sədrliyi ilə ilahiyyatçı Tale Bağırova 4 ay azadlıqdan məhrumetmə cəzası verilib.
Məhkəmədən Turana verilən məlumata görə Taleh Bağırov Cinayət məcəlləsinin 317-1(cəzaçəkmə müəssisələrində və ya istintaq təcridxanalarında saxlanılan şəxslərə qadağan olunmuş əşyaların verilməsi) maddəsi ilə ittiham olunub.
Onun kamerasından mobil telefon tapılıb.
İlahiyyatçı Tale Bağırov 2013-cü il martın 31-də tutulub. İlahiyyatçı Cinayət Məcəlləsinin 234.1-ci maddəsi ilə (qanunsuz olaraq narkotik vasitə saxlamaq) ittiham olunur. 2013-cü il noyabrın 1-də Sabunçu rayon Məhkəməsi Tale Bağırovun barəsində 2 il müddətinə azadlıqdan məhrum etmə cəzası çıxarıb. İndi Bağırov 2 il 4 ay həbsdə olacaq.