San Dieqonun qədim şəhəri

Kaliforniyaya köç etmiş avroplalıların ilk məskunlaşdığı San Dieqo şəhərinin qədim şəhər hissəsinin əsası 19-cu əsrin əvvəllərində qoyulub. 1860-cı ilədək San Dieqonun döyünən ürəyi olan bu köhnə qəsəbə daha sonralar şəhər əhalisinin kəskin artımı və okean sahilində yeni şəhərin salınması səbəbilə rəsmi olaraq köhnə şəhər adlandırılmağa başladı. San Dieqoya gələn turistlərin ən çox görməyə can atdığı yerlərdən biri olan bu qədim şəhərdə hal-hazırda yerli bazar, muzeylər və müxtəlif mövzulu kafelər yerləşir.