Cümə günü vüsət alan etiraz dalğası əsnasında Suriya təhlükəsizlik qüvvələri bir neçə şəhərdə nümayişçilərə atəş açıblar.
Fəallar deyirlər ki, qüvvələr Dəməşqdə yeddi nümayişçini öldürüblər. Mərkəzi Homs şəhərində tanklar atəş açmağa başladıqdan sonra azı üç adamın öldüyü xəbər verilir.
Dünən fəallar hökumətpərəst qüvvələri Homsda 12 ölümə bais olmaqda təqsirləndirmişdilər.
Çərşənbə günü Ərəb Liqası zorakılıqların dayanmasına yönəlik plana vasitəçilik edərək Bəşar əl-Əsəd hökumətini müxalifətlə dialoqa getməyə razı saldığını elan etmişdi.