Rəsmilər Şan Bauer və Coş Fatalın məhkəmə binasına gətirilmədiyinin səbəbini açıqlamayıblar
İran casusluqda ittiham etdiyi üç ABŞ səyahətçisinin məhkəməsini davam etdirməyi təxirə salıb. Səyahətçilərin iranlı vəkili Məsud Şafi deyib ki, mühakimənin bu günə nəzərdə tutulmasına baxmayaraq rəsmilər səyahətçilərdən ikisini həbsxanadan məhkəmə binasına gətirmədiklərinə görə proses davam etməyib. Şafi rəsmilərin Şan Bauer və Coş Fatalın məhkəmə binasına gətirilmədiyinin səbəbini açıqlamadıqlarını bildirib. O, habelə məhkəmənin nə vaxta qədər təxirə salındığı barədə məlumatlanmadığını bildirib.