Salyandakl Demokratiyaya Yardım İctimai Birliyinin rəhbəri saxlanıb [Audio-müsahibə]
Həbs
Emil Məmmədovun telefonu söndürülüb
Mayın 13-də Salyanda “Demokratiyaya Yardım” İctimai Birliyinin rəhbəri Emil Məmmədov zorla pul tələb etməkdə şübhəli bilinərək saxlanıb.
Your browser doesn’t support HTML5
Emil Məmmədov və Zaman Əmirovla müsahibə
(Müsahibə aprelin 7-də götürülüb)
Bu barədə Turan agentliyinə o özü Salyan rayon Polis Şöbəsindən bildirib. Daha sonra Emil Məmmədovun telefonu söndürülüb.
Məmmədovun saxlanmasının səbəbləri barədə rəsmi səviyyədə hələ hər hansı məlumat yayılmayıb.
"Demokratiyaya Yardım” İctimai Birliyi ölkənin cənub regionunda fəal vətəndaş cəmiyyəti institutlarından biridir.
Qurumun rəhbəri E.Məmmədov dəfələrlə yerli hakimiyyət strukturlarında korrupsiya faktlarını açıqlayıb, həmçinin yerli sakinlərn hüquqlarının müdafiəsinə qalxıb. QHT hasilat sənayesində vətəndaş nəzarəti şəbəkəsinin bir sıra layihələsində iştirak edib.
E.Məmmədov 2010-cu ildə Salyan rayonunda baş vermiş daşqınların nəticələrinin aradan qaldırılmasında mühüm rol oynayıb.
