''Hakimiyyət burada bir seçim etməlidir''

Parlamentə namizəd Bəxtiyar Hacıyev Amerikanın Səsinə müsahibəsində bildirib ki, son 20 ildə ilk dəfədir ki, gənclərin seçkidə bu qədər aktivliyini görür. Onun sözlərinə görə, ilk dəfədir ki, gənclər seçki prosesində iştirak edərək nəyisə dəyişməyə çalışırlar. Əgər gənclikdə belə bir ümid yaranıbsa ki, biz öz dövlətimizi seçki yolu ilə hansısa müsbət bir istiqamətə apara bilərik, hakimiyyət artıq müəyyən qədər öz maraqlarından qurban verməyi bacarmalıdır. Hakimiyyət başa düşməlidir ki, insanlardakı ümidi öldürsə bu Azərbaycanda keçirilən son seçki ola bilər və artıq insanlar seçki yolu ilə nəyinsə dəyişəcəyinə ümidini itirib, alternativ yollar axtara bilər.