Bütün hisslərinizlə təbiətlə bütünləşin

Elk Preri parkındakı ikinci cığırımız bütün digər cığırlardan öz qeyri-adi yanaşması ilə fərqlənirdi. Hərfi tərcüməsi ‘üzə çıxart’ olan bu Revelation cığırı əsasən görmə məhdudiyyəti olan şəxslər üçün nəzərdə tutulub. Cəmi 0.5 mil uzunluğunda olan bu cığır bura gələn yürüşçülərin 5 hissinin 5-dən də istifadə etməyə çağırır. Dərənin səsi, ağaclara toxunub onları hiss etmək, Kaliforniyanın kəskin özünəməxsus qoxusu, meşənin kobud izləri buradakı ekosistemi anlamağa böyük imkanlar yaradır.