“Biz oyun qaydalarını dəyişməliyik!”

Oyan hərəkatının idarə heyyətinin üzvü Nahid Cəfərov Amerikanın Səsinə müsahibəsində növbədənkənar parlament seçkiləri, seçkilərdən sonra ölkədə yaranmış siyasi vəziyyət və müxalifət təşkilatlarının bundan sonra atmalı olduğu addımlar haqqında danışıb. Siyasi fəalın sözlərinə görə, son seçkilər hakimiyyətin Azərbaycan xalqına bir mesajı idi ki, əgər bizim oyun qaydaları ilə oynayacaqsınızsa heç bir uğur əldə etmək mümkün olmayacaq. Cənab Cəfərov qeyd edib ki, əgər biz ölkədə avtoritar rejimin olduğunu, qanunun aliliyinin təmin olunmadığını iddia ediriksə, o zaman niyə bu rejimdən gözləntilərlə çıxış etməliyik? Nahid Cəfərov əlavə edib ki, hakimiyyətlə sistematik mübarizə aparmaq üçün siyasi təşkilatlar oyun qaydalarını dəyişib, yeni taktikalar gətirməlidir.