Beynəlxalq Valyuta Fondunun yeni rəhbəri qlobal maliyyə böhranı zamanında olduğu kimii institutun bütün üzvlərinə bərabər diqqət və qayğı göstərəcəyinə söz verib.
Fondun icraçı diirektoru seçilən Fransanın maliyyə naziri Kristin Laqard açıqlamasında deyib ki, fondun bütün 187 üzv dövlətində inkişaf və sabtlliyə nail olmaq üçün qurum legitim, müvafiq, məhsuldar və effektiv iş aparmalıdır.
On illərdir tətbiq olunan qeyri-rəsmi razılığa görə, Beynəlxalq Valyuta Fondunun direktoru Avropadan, Dünya Bankının rəhbəri isə Amerikadan seçilir. İqtisadiyyatları sürətlə inkişaf etməkdə olan bəzi ölkələr bu ənənənin artıq köhnəldiyini bildirir.