Amerikanın Azərbaycanlı Gənclər Təşkilatının nümayəndələri bu günlər paytax Vaşinqtonda ABŞ Dövlət Departamenti, Konrqes, qeyri-hökumət təşkilatları və araşdırma mərkəzlərində görüşlər keçirir. Onlar ABŞ Konqresində “Uşaqlarımıza verdiyimiz vədləri saxlayaq” mövzusuna həsr olunmuş konfransda iştirak ediblər. Qrupun üzvləri Birləşmiş Ştatlar Konqresinə Azərbaycan haqda kitablar hədiyyə ediblər. Amerikanın Azərbaycanlı Gənclər Təşkilatı dünyanın iki ən böyük kitabxanaları olan Konqres və İsgəndəriyyə kitabxanaları ilə əməkdaşlıq edir. Amerikanın Azərbaycanlı Gənclər Təşkilatının üzvləri Rövşən Muradov və Rza Əliyev Amerikanın səsinin Azərbaycan xidmətinə müsahibədə Vaşinqtonda keçirilən görüşlər və yeni layihələr haqda məlumat veriblər.
Rövşən Muradovla müsahibənin mətni ilə AzeriDiaspor bloqunda tanış ola bilərsiniz.