Tacikistan rəsmiləri xəbər bu ölkədə baş verən zəlzələnin 20 minə yaxın adamı evsiz-eşiksiz qoyduğunu deyir. Paytaxt Düşənbədən 400 kilometr cənub şərqdə yerləşən Vanç rayonunda mindən çox ev dağılıb. Dünən baş verən zəlzələdə ölənlər haqda məlumat yoxdur. Yerli rəsmilər Rixter şkalasında 5 ballıq zəlzələdən dəyən zərərin 1.5 milyon dollar olduğunu təxmin edir. Zəlzələ ərazidə elektriki və rabitəni kəsib. Sabiq Sovet məkanında ən yoxsul ölkələrdən biri olan Tacikistanın dağlarında zəlzələlər tez-tez baş verir.
