Müsavat Partiyası yanvarın 29-na təyin edilmiş bələdiyyə seçkilərində iştirak edəcəyini bildirib.
Müsavat Partiyasının məlumatında deyilir ki, yanvarın 25-də partiyanın Divanı (İdarə Heyəti) seçkilərdə öz namizədləri ilə iştirak etmək, namizədlərin irəli sürülməsi səlahiyyətlərini partiyanın rayon təşkilatlarına həvalə etmək haqqında qərar qəbul edib.
İndiyədək təxminən 10 siyasi partiya, o cümlədən REAL Partiyası bələdiyyə seçkilərində iştirak edəcəyini bildirib.
Hazırda bələdiyyələrə namizədlərin irəli sürülməsi prosesi davam edir.
Mərkəzi Seçki Komissiyasının məlumatına görə, ölkədə 2025-ci il yanvarın 29-da 685 bələdiyyəyə seçkilər keçiriləcək. Həmin bələdiyyələr üzrə ümumilikdə 8 min 71 bələdiyyə üzvü seçiləcək.