12 km-lik cığırın sonunda gedib çatacağınız şəlalə Şimal şəlaləsidir. Parkın təmamilə digər tərəfində yerləşən bu şəlaləyə avtomobillə də getmək mümkündür. Həm buna görə, həm də bu şəlalənin suyunun çoxluğu, həm də gözəl mənzərəsinə görə Şimal şəlaləsi parkda ən çox ziyarət olunan şəlalərdəndir. Xüsusilə də bu şəlalənin qarşısında yaranmış kiçik su hövzəsi isti yay günlərində sərinləmək istəyən insanlar üçün əla seçimdir.