Şahidlər və həkimlər Yəmən təhlükəsizlik qüvvələrinin paytaxt Sənada 12 nümayişçini öldürdüklərini xəbər verirlər.
Şahidlər deyirlər ki, Prezident Əli Abdullah Saleh əleyhinə keçirilən başqa bir nümayişdə təhlükəsizlik qüvvələri onlarla adamı yaralayıblar.
Təhlükəsizlik qüvvələri şəhərin mərkəzi meydanında çadır qurmuş adamlara atəş açıblar. Nümayişçilər cümə günündəni bəri həmin ərazidə toplaşıblar. Onlar hazırda Səudiyyə Ərəbistanında müalicə olunan prezident Salehin istefasını tələb edirlər.
