Fevralın 18-də İran milli voleybol çempionatının finalında paytaxtın Peykan komandası ilə qarşılaşmağa hazırlaşan Urmiyənin Bələdiyyə klubu Tehran türklərindən dəstək gözlədiyinə dair müraciət yayıb.
Urmiyədə fəaliyyət göstərən Durna News adlı internet qəzetinin yaydığı məlumata görə, çərşənbə günü Tehranda keçiriləcək final oyununda urmiyəlilər və Tehran türklərini Azadi stadionuna dəvət edən Bələdiyyə komandası çempionatın qalibi olmaqla Azərbaycan əhalisinin ürəyini şad edəcəyini ifadə edib.
Təbrizin Bələdiyyə komandası isə eyni gündə çempionatın üçüncü yerini qazanmaq üçün Xorasanın Mizan komandası ilə yarışacaq.
İran Azərbaycanının Təbriz və Ərdəbil şəhərləri ölkənin ən önəmli futbol mərkəzləri hesab edildiyi kimi, güneyin ikinci ən böyük şəhəri Urmiyə də önəmli voleybol mərkəzi olaraq tanınır. İran mediası Urmiyəni Asiyanın voleybol paytaxtı kimi qiymətləndirir.
