Tomas Melianın Azərbaycana səfəri ləğv edilib

Amerika Dövlət katibinin demokratiya, insan hüquqları və əmək məsələləri üzrə köməkçisi Tomas Melianın (Thomas Melia).sentyabrda Bakıya nəzərdə tutulan səfəri ləğv edilib.

Amerikanın Azərbaycandakı səfirliyindən Amerikanın Səsinə bildiriblər ki, Azərbaycan hökuməti ölkədə oktyabrın 9-da keçiriləcək prezident seçkilərinədək səfərin təxirə salınmasını istəyib.

“Biz təəssüf edirik ki, seçkiöqabağı vəziyyətlə tanış olmaq üçün nümayəndə heyəti Azərbaycana səfər edə bilməyir.Amerika səfirliyi ölkədə seçkiqabağı durumu yaxından müşahidə etməkdə davam edir. Hökuməti insanların iradəsini əks etdirən azad, ədalətli seçki prosesi keçirməyə çağırırıq”, deyə səfirlikdən bildiriblər.
.